Matloob Zaeem

مطلوب زعيم لشعب طول عمره عظيم لشعب كان فعيل زمان لكنه هان حتي إنه ثار بإيدين كبار وإيدين صغار مفعول به بيقسموه ويفرقوه ويقطعوا في عين اللي جابه واللي جاب أبوه عشان يموت أو ينتهي مطلوب زعيم لشعب حكامه خانوه وتوهوه وغيبوه واللي اِنتبه منه وفاق غموله عينه وكمموه وسلموه في المعتقل لكلاب جعانة يقطعوه لكنه رغم القهر قام زأر وزام وفي إسبوعين زلزل حصون الجلادين هد النظام فوق راس جميع المفسدين مطلوب زعيم يحمي الحقوق يعدل ما بين الناس تمام زي الفاروق ويكون حنين ع الفقير وع اللي الفاسد يفتري يهدم علي دماغه الشقوق ويعلقه في المشنقة أو يرفعوا على راس خازوق مطلوب زعيم ما يقولش ع الخواف حكيم ويكون كمان سمعه سليم يسمع لنبضة قلبنا ويكون مكانه في وسطنا ما يعيش ابدًا في القصور والبعض منا للأسف ساكنين قبور يشرب وياكل أكلنا ويعيش كواحد مننا يسمعلنا ويشور و ياخد رأينا ووقت الخطر نتلم حواليه كلنا ونضحي وياه بعمرنا مطلوب زعيم عالمسؤلية يكون أمين و يكون جرئ ويكون شجاع مش إمعة وحتة بتاع يعرف يقول للظلم لأ ويموت ولا يفرط في حق ها-ها-هآه ها-ها-ههآه مطلوب زعيم نقدر نحاسبه بالقانون أو نعزله لو للأمانة يوم يخون لا يشترط الشكل إيه لا يشترط السن إيه لا يشترط الملة إيه شرطه الوحيد يكون بشر بالإختصار مطلوب دكر